"Hazırkı böhran 1973, 1979 və 2002-ci illərin böhranlarından daha ağırdır"
Beynəlxalq Enerji Agentliyinin (BEA) baş direktoru Fatih Birol Fransanın "Le Figaro" qəzetinə verdiyi müsahibədə Hörmüz boğazının blokadasının yaratdığı neft və qaz böhranının miqyasını vurğuladı.
Birol bildirib ki, "Dünya heç vaxt bu miqyasda enerji təchizatında fasilə yaşamayıb. Hazırkı böhran 1973, 1979 və 2002-ci illərin birgə böhranlarından daha ciddidir".
Böhranın coğrafi təsirinə toxunan Birol qeyd edib ki, Avropa ölkələri, Yaponiya və Avstraliya ciddi çətinliklərlə üzləşəcək, lakin ən böyük risk inkişaf etməkdə olan ölkələrdə cəmləşib.
BEA-nın baş direktoru enerji qiymətlərinin kəskin artmasının ərzaq qiymətlərinə və qlobal inflyasiya təzyiqinə səbəb olduğunu vurğulayaraq, aşağı gəlirli iqtisadiyyatların bu "ikiqat şoka" qarşı həssas olduğunu vurğulayıb.
