Qızıl dolların ucuzlaşması fonunda bahalaşıb (09.10.2026)
Qızılın qiyməti ABŞ dollarının zəifləməsi fonunda yüksəlib. Bununla belə, investorlar Federal Ehtiyat Sisteminin (Fed) gələcək faiz siyasəti ilə bağlı siqnalları izləyirlər.
ENA.az xəbər verir ki, spot qızılın qiyməti 0,5% artaraq bir unsiya üçün 4 132,66 dollara yüksəlib. ABŞ-da dekabr ayı üzrə qızıl fyuçersləri isə 0,4% bahalaşaraq 4 157,60 dollar təşkil edib.
Dolların zəifləməsi dollarla qiymətləndirilən qızılı digər valyutalardan istifadə edən investorlar üçün daha əlçatan edib. Qızıl əvvəlki sessiyada güclü dollar və ABŞ Xəzinə istiqrazlarının gəlirliliyinin artması nəticəsində avqustun 5-dən bəri ən aşağı səviyyəyə düşmüşdü.
CME FedWatch məlumatlarına görə, bazar iştirakçıları Fed-in oktyabrda faiz artırması ehtimalını 18%, dekabrda isə 80% qiymətləndirirlər. Yüksək faiz dərəcələri faiz gəliri gətirməyən qızılın cəlbediciliyini azalda bilər.
Digər qiymətli metallardan gümüşün qiyməti 0,4% artaraq 60,36 dollara, platin 1,8% yüksələrək 1 660,05 dollara, palladium isə 1,6% bahalaşaraq 1 142 dollara çatıb.
