Bank of America vitse-prezidenti Times Square-də öldürüldü – hadisə korporativ təhlükəsizlik sualını gündəmə gətirdi
Nyu-Yorkun ən işlək və turistlərin ən çox ziyarət etdiyi məkanlarından biri olan Times Square-də baş verən bıçaqlı hücum ABŞ-ın maliyyə sektorunu da gündəmə gətirib.
31 avqustda 49 yaşlı Pamela Cisneros iki bıçaqla yoldan keçən insanlara hücum edib. Hücum nəticəsində 32 yaşlı Erin Piacenti ağır yaralanıb və xəstəxanada dünyasını dəyişib. Piacenti Bank of America-da vitse-prezident və Business Selection and Conflicts bölməsinin əməkdaşı olub. Hadisə zamanı daha bir – 68 yaşlı kişi yaralanıb və onun vəziyyətinin stabil olduğu bildirilib.
Polisin məlumatına görə, hücum təsadüfi xarakter daşıyıb və ilkin araşdırmada terror motivi müəyyən edilməyib. Hücum edən şəxs daha sonra polis əməkdaşlarının üzərinə bıçaqlarla irəlilədikdən sonra güllələnib.
Hadisəni maliyyə sektoru üçün maraqlı edən nədir?
İlk baxışda bu, kriminal hadisədir. Lakin Piacenti-nin Bank of America-da rəhbər vəzifələrdən birində çalışması hadisəyə başqa aspekt qazandırır.
Hücum bankın Nyu-Yorkdakı ofisinə yaxın ərazidə baş verib. Piacenti həmin gün işdən evə qayıdarkən hücuma məruz qalıb. Bank of America əməkdaşının ölümü ilə bağlı dərin kədərini ifadə edib və onu dəyərli komanda üzvü kimi xarakterizə edib.
Bu hadisə böyük maliyyə institutları üçün getdikcə əhəmiyyət qazanan bir məsələni gündəmə gətirir: korporativ təhlükəsizliyin sərhədləri harada başlayır və harada bitir?
